90后回忆精选！9个拍过ETV的明星 原来佢哋都有份

一理通百理明」曾被网民改成「一理通马国明」，对于一班90后来说都不会陌生，这句歌词本来出自香港电台ETV数学科的片头曲，当年不管上堂或放学时间，都一定会睇过ETV！香港电台为咗同大家一齐重温当年回忆，製作紧《我们都是看ETV长大的》，以下9位艺人都有拍过教育电视，唔知大家又认唔认得出佢哋呢？

我们都是看ETV长大的

港台正在筹备紧《我们都是看ETV长大的》节目，喺facebook推出了一系列嘅投票活动，包括ETV一哥一姐、最耐人寻味的桥段和最ETV的场景等等，每条合集真係愈睇愈多眼泪，係青春呀～係回忆呀～

教育电视(ETV)真係唔少人的集体回忆，小编就最记得「一理通『马国明』 明白了计算可变简单」！另外大家可能都唔知道，原来以下呢六位仍活跃于娱乐圈的歌手同艺人，以前都做过ETV主角㗎！当中有几位以前同依家几乎一样样，有人细细个劲可爱，不过有位女歌手好难估！

1.运动男神 王祖蓝

第一位，相信唔会有人认唔到，佢咪王祖蓝啰！不过估唔到以前祖蓝喺ETV係饰演排球队队长（难道当年的排球队没有身高限制吗？）、校内万人迷，睇吓个女主角几冧猪！

运动劲都仲未够，之后片段见到祖蓝一手截住想打尖的男同学，让女主角可以顺利上小巴，仲帮对方入埋钱！呢啲咪男神啰！

据知祖蓝係喺2000年左右拍过几集数学科同常识科的教育电视节目，睇番当年祖蓝个样同依家几乎冇分别，着起校服仲非常乖仔feel，相信老婆李亚男都估唔到老公以前演万人迷！

2.绿裤小子 林一峰

第二位係歌手林一峰！原来佢细细个就有份参演ETV，睇番佢以前个样同依家分别唔大，都係眼仔细细，好鬼趣致。

估唔到林一峰除了歌艺一流，细细个就已经咁识演戏！唔知佢喺ETV入面有冇唱过歌呢？

3.造型百变 杨思琦

第三位同祖蓝一样，又係一眼就认得出，杨思琦多年前已经係咁靓女！2001年港姐冠军思琦妹，原来选港姐之前都拍过ETV，讲得一口流利普通话。除了一般学生妹校服look外，思琦仲有好多唔同造型，学生哥们肯定会睇得好专心！

杨思琦向来以童颜见称，虽然依家已经39岁，又已是一女之母，不过样貌身材真係多年不变！唔知思琦会唔会播番自己啲ETV畀囡囡睇呢？

4.古装小美人 黄美棋

童星出身的黄美棋，拍过ETV当然唔出奇！片中见到美棋BB古装小美女look，眼大面圆圆非常可爱，喺其他小演员当中十分突出！

现年28岁的黄美棋细细个已经参演唔少电影、剧集，观众可谓由细睇到佢大，现在的美棋BB仍然咁甜美可爱，但同时多了一份女人味！美棋BB睇番自己ETV演出，就留言话自己细个靓啲，面尖尖的，擘大口都特别靓喎！

5.未冲出太空时 邓紫棋

呢位眼大大、块面胀卜卜的小妹妹，似乎係做错事被发现，所以要同老师讲「对不起」！虽然个样同依家係有少少分别，不过见到佢灿烂笑容、仲有招牌金鱼嘴时，大家就认得佢係G.E.M. (邓紫棋)啦！上海人阿G.E.M.细细个普通话已经标準又流利，令同学们获益良多～

时光飞逝，当年ETV中的可爱小妹妹，今时今日已经係红到上太空的乐坛天后啦！话时话，唔知佢喺ETV入面个女同学仔依家点呢？

6.女大18变 连诗雅

最后呢位真係难估啲，片中呢位小妹妹英文流利，发音颇算标準，自信十足！旁白就话呢位女歌手「长头髮、面尖尖、高高瘦瘦」，但都真係联想唔到佢係连诗雅(Shiga)！

连诗雅出名身材高佻，有对修长美腿，依家睇番佢细个时似乎已经係高人一等呢！

Shiga小时候参与过好几集英文科ETV演出，节目中同唔少外籍同学仔有对手戏，讲英文真係几好听！亦相信佢英文係由细叻到大。咁Shiga之前喺网上串错「Rest in Peace」做「Rest in Piece」… 相信係唔小心啫！

 

 

番外篇：

虽然以下的艺人不是《ETV一哥一姐》片段的候选人，但依然够经典，有些还出人意表，看看你们能否一眼看出是谁！

7.唐宁

片段开头也有见到她的身影，而她也为etv拍过不少集数！细时候，眼大大的模样和现在都没有太大差别！果然天生美人！

8.陆永

陆永同C君因为主持旅游节目《Do 姐再Shopping》而人气再度急升，而且还有一个爱妻号的绰号，想不到当年他亦有出演过ETV！大家又有没有印象呢？

9.张纹嘉

原来组合HOTCHA出身的张纹嘉小时候曾和王祖蓝合作过，刚才提起祖蓝化身排球队队长的影片中，张纹嘉都有份现身，而且还是她唯一一套有演出过的ETV短剧！